{"id":50693,"date":"2023-11-15T12:28:43","date_gmt":"2023-11-15T08:58:43","guid":{"rendered":"https:\/\/edutsn.com\/karatu-a-qazvin\/"},"modified":"2023-11-15T12:28:43","modified_gmt":"2023-11-15T08:58:43","slug":"karatu-a-qazvin","status":"publish","type":"post","link":"https:\/\/edutsn.com\/Hau\/karatu-a-qazvin\/","title":{"rendered":"Karatu a Qazvin"},"content":{"rendered":"
<\/div>

<\/path><\/svg><\/i> \"Loading\"<\/p>

<\/div>

Qazvin<\/b> wani gari ne a shiyyoyin tsakiyar Iran kuma garin ya ta\u0253a zama birnin tarayya na \u0199asar Iran a baya. Karatu a garin Qazvin na da fa’idoji masu yawa kama daga yanayin iskar garin har zuwa abubuwan more rayuwa wanda za su sau\u0199a\u0199e wa \u0257alibai karatu.<\/p>\n

\"Karatu<\/h2>\n

<\/span>Qazvin<\/span><\/h2>\n

Garin Qazvin ne cibiyar lardin Qazvin, mai tsayin mita 1,278 daga saman teku. Tarihi da asasin garin ya samo asali ne daga zamanin daular Sasaniyawa inda aka kafa shi bisa umarnin Shapour, wani sarki daga cikin sarakunan Sasaniyawa. Wannan gari ya kasance hanya ga attajirai masu safarar kaya daga gabas zuwa yamma.<\/p>\n

Garin na Qazvin ya kasance cibiyar \u0199asar Iran na tsawon shekaru 57 a lokacin mulkin Safawi, wannan ya sa garin ya samu wurare da gidajen tarihi masu tarin yawa. Hakazalika garin Qazvin ne cibiyar rubutun calligraphy a \u0199asar Iran, kuma daga cikin \u0199wararrun masu rubutun calligraphy a harshen farsi akwai Mir Imad Qazvini. Garin Qzvin shi ne na \u0257aya wurin yawan abubuwan tarihi a Iran kuma na uku a duniya. Daga cikin abubuwan tarihi na Qazvin akwai; Qal’e Samiran, Karvansarae Sa’ad Al Saltaneh, Babban Masallacin Qazvin, Meimun Qal’e, Hammam Qajar, Tankin ruwa na Sardar, Peyghambarieh, Kakh Chehelsetun, Imamzadeh Husain, da titin Sapeh (titin da aka fara yi a \u0199asar Iran).<\/p>\n

Kasantuwar cewa garin na da kusan hekta 2,500 na lambu a kewaye da shi da kuma lambun Barajin mai girman hekta 1,400, an za\u0253e shi a matsayin gari mafi tsaftar yanayi a shekarar 2013.<\/sup><\/p>\n

\"Karatu<\/h2>\n

<\/span>Zirga-Zirga<\/span><\/h2>\n

Garin Qazvin na da ke\u0253antaccen filin jirgi na \u0199ananan jirage da jirage na musamman kamar jiragen koyo da jiragen yawon bu\u0257e ido. Hukumar kula da gari ta Qazvin<\/a> (Shahrdari) ta saye filin jirgin a manufarta ta bun\u0199asa hanyoyin zirga-zirga na garin, sannan a \u0199o\u0199arinta na inganta harkokin yawon bu\u0257e ido (tourism)a garin Qazvin ta bun\u0199asa filin jirgin inda ta mayar da shi filin jirgin matafiya. A halin yanzu \u0199ananan jiragen matafiya (irin su: Fokker 100) na iya sauka a filin jirgin.<\/p>\n

Shahardari na garin Qazvin na da tashoshin mota biyu a gabaci da yammacin garin. Tashar Terminale Azadegan mai girman murabba’in mita 27966 na ta gabas inda tsahar Terminale Gharb mai girman murabba’in mita 8328 ke yammacin garin Qazvin.<\/p>\n

<\/span>Bus<\/span><\/span><\/h3>\n

Ma’aikatar motocin bus da ke \u0199ar\u0199ashin Shahardari na Qazvin ta na da tsarin tafiyarwa guda uku, tana da wurin tsayawar motoci da wurin gyara a Chaharrahe Vali Asr da kuma wurin tsayawar motoci na Shahid Rajaei. Akwai kimanin mutane 165000 masu amfani da motocin autobus da kimanin mutane 130000 masu amfani da motocin minibus na ma’aikatar Shahardari domin zirga-zirga a cikin garin Qazvin. Hakazalika akwai hanyoyin autobus 20 da motocin ke amfani da su, 15 daga cikin hanyoyin suna cikin gari sauran biyar kuma suna farkon gari inda wasunsu ke zuwa har cikin garuruwan Mohammadieh, Alvand, Eghbalieh, Mahmoud Abad, da garin Choobindar.<\/p>\n

<\/span>Taxi<\/span><\/span><\/h3>\n

An bude ma’aikatar tafiyarwa da kula da motocin taxi na garin Qazvin a shekarar 1997. Aikinta shi ne tsarawa da tafiyar da motocin taxi na wannan gari. Yanzu haka akwai motocin taxi sama da 6000 da ke aiki a garin Qazvin.<\/p>\n

<\/span>Wuraren sha\u0199atawa<\/span><\/h2>\n

<\/span><\/span>Wuraren tarihi<\/span><\/span><\/h3>\n

<\/span><\/span>Rukunin lambunan Safawi<\/span><\/span><\/h4>\n

Akwai wani gidan gwamnati na Safawi mai girman kimanin hekta 6 a tsakiyar garin Qazvin. Gidan gwamnatin na Safawi da ake kira da lambun al’adu ya fara ne daga ginin Ali Qapour na arewa ga titin Sepeh sannan ya ha\u0257e da gidan Chehelsetun. Daga cikinsa ana iya ganin abubuwan tarihi da suka saura daga zamanin mabambantan dauloli (safawi, afsharieh, zendieh, da qajarieh), abubuwan tarihi irin su Sardar Ali Qapour, Bagh Ali Qapour, Emarat Saharbani, Shotrkhan, Grand Hotel, Grand Hotel Cinema, Peyghambarieh, Kakh Chehelsetun da Gidan Tarihin Qazvin.<\/p>\n

<\/span>Gidajen sarauta<\/span><\/span><\/h4>\n

Kasancewar garin Qazvin birnin tarayya a zamanin mulkin Safawiyawa da yawan sarakuna da yarimomi da aka yi cikinsa na mabambantan dauloli, akwai ragowar gine-ginen sarauta da fadoji da yawa a cikinsa. Gidan sarauta mafi shahara shi ne Fadar Chehelsetun wadda ita ce kawai fadar daular Safawi da ta yi saura. Asalin wannan fadar masauki ce inda ake sauke ba\u0199in gidan sarauta. Sai gidan Shahardari wadda wasu Rashawa suka gina a shekarar 1927 kuma shi ne ginin farko na Shahardari a Iran. Sai gidan Bagh Sepehdar, gidan tarihi na Keshavarzi, gidan Sardar Mofkham wanda ake kira gidan al’ada na Amirkabir, gidan Shaharbani, da kuma Mimoun Qal’e wanda \u0257aya ne daga cikin gidajen sarauta na Aali Biveh.<\/p>\n

<\/span>Gidajen tarihi<\/span><\/span><\/h4>\n