Madogarar bayanai a kan scholarship a Iran

Minene scholarship? Wasu irin mutane ake ba scholarship? Ko kuna neman jagoranci game da al’amarin scholarship a Iran? Ku karanta wannan rubutun domin samun amsoshin waɗannan tambayoyin da kuma samun cikakken bayani game da tallafin karatu a ƙasar Iran.

Minene scholarship?

Amsa mafi sauƙi ga wannan tambaya ita ce: Idan kun samu admission a wata makaranta sai ya zamana an yi muku rangwame ko tallafi saboda ku samu sauƙin kashe kuɗi a makaranta, kuɗaɗe kamar; kuɗin sayen littafai, kuɗin hostel, da sauran kuɗin da suka shafi karatu, to an baku scholarship (wato tallafin karatu) kenan.

Matakan samun scholarship

Bayan kun ga irin kalar scholarship ɗin da kuke buƙata, sai kuma tura buƙatar neman scholarship ɗin tare da takardunku. Ga yadda ake tura buƙatar neman scholarship:

1. Za ku yi bincike har sai kun ga irin kalar scholarship ɗin da ya dace da ku.
2. A wannan marhalar ne za ku shirya CV na karatunku domin gamsar da malaman makarantar da kuke nema. A cikin wannan cv ne za ku rubuta duka maƙalolin da kuka wallafa na ilimi, takardun shaidarku, baiwoyinku, da duk wani abu da kuka san zai ƙara muku tagomashi wurin samun wannan scholarship ɗin tare da kiyaye ƙa’idojin rubutu.
3. Bayan cv, sai motivation letter da kuma duka takardun shaidar kammala karatunku tare da sakamako, su ma duk ku haɗa ku tura. Haka idan kuna da wata takarda da ke nuna ƙarancin ƙarfin tattalin arzikinku ko na iyalanku kuna iya turawa da ita.
4. Bayan tura buƙatar, sai ku jira amsar samun karɓuwarta ko akasin haka tare da bibiyar halin da take ciki.
5. Sai kuma shirin tantance takardunku domin tafiya ƙasar da za ku je.
6. Idan an baku scholarship, dole sai kun jira an tura muku da admission letter ita ma.

Jami’o’in ƙasar Iran masu sauƙin kuɗin makaranta

Takardun da ake buƙata domin neman scholarship

Takardun da ake buƙata a mafi yawan jami’o’in ƙasar Iran domin neman tallafin karatu (scholarship) sun dogara da irin kalar scholarship ɗin da aka nema.

• Tura hoton fasfo (interanatinal passport)
• Ƙaramin hoto
• Sikanin na hoton transcript (na duka matakan karatun da aka gama) a harshen turanci
• Recommendation letter da Motivational letter
• CV

CV ɗinku ya kan ƙunshi bayanai a kan matakin karatunku tare da irin ayyukan da kuka ƙware akai, yana da tasiri sosan gaske a wurin neman scholarship

Ku tabbata cewa kun tanadi duka waɗannan takardun da aka buƙata don gudun samun matsala Idan akwai takardar da ba ku da, kuna iya tuntuɓarmu domin samun bayani a kan yadda za ku samu takardar.

Jami’o’in da ma’aikatar Ilimi ta ƙasar Iraq ta amince da su

Kamar yadda kuka sani cewa ma’aikatar ilimi ta ƙasar Iraq ta bayyana wasu jami’o’in ƙasar Iran waɗanda ta tantance kuma ta ba ma ɗaliban ƙasarta damar su yi karatu a cikinsu. Jami’o’in da ke wannan list ɗin sun kasu gida biyu; “Jami’o’in Ebte’as” da “Jami’o’in Nafaqe Khaseh”. Mun kawo muku jadawali a ƙasa wanda zai yi muku jagoranci wurin zaɓen jami’ar da kuke so ku nemi scholarship a cikinta. (Wannan ya shafi ɗaliban ƙasar Iraƙi ne kawai)

Jadawalin Jami’o’in Ebte’as na shekarar 2023

Jadawalin jami’o’in Nafaqeh Khaseh na shekarar 2023

Sharuɗan da ake buƙata wajen neman scholarship

Ɗaya daga cikin abubuwan da masu neman scholarship suka damu da su shi ne yadda za su ƙara yawan damarsu ta samun scholarship ɗin. Neman scholarship abu ne da yake fuskantar gasa a kowane lokaci. Daga cikin muhimman abubuwa masu tasiri a al’amarin scholarship akwai maki mai yawa, maƙaloli, makin yare, da sauransu.

• Shekarun mai neman scholarship: Shekarun mutum na ɗaya daga cikin sharuɗan da dole sai an duba su. Iya ƙarancin shekarun mutum iya yawan damarsa ta samun scholarship a matakin digiri. A matakin masters shekara 24, PhD kuma wuraren shekara 30.
• Karatu a ingantattun jami’o’i: A kowace ƙasa akwai jami’o’in da aka ware a matsayin fitattun jami’o’in masu daraja ta ɗaya bisa la’akari da ƙa’idoji da ma’aunan ƙasa da ƙasa waɗanda jami’o’in wasu ƙasashen ke kallo da ƙima fiye da sauran jami’o’in ƙasar. A wannan bagiren, karatu a manyan jami’o’i da makarantu yana taka muhimmiyar rawa a wurin samun scholarship.
• Gabatar da maƙalolin ƙasa da ƙasa (ISI) da tsarukan bincike: Babu shakka gabatar da maƙalolin ƙasa da ƙasa waɗanda aka wallafa a ingantattun mujallu, yana taimaka wa ɗalibai sosai a wajen yaƙinsu na neman scholarship. Hakazalika gabatar da cv na ayyukan bincike da ke da alaƙa da fannin da mutum yake so ya karanta, shi ma yana tasiri sosai.
• Maki da shaidar koyon yaren farsi ko turanci: Cimma sharaɗin maki dama abu ne da yake lazim a wajen neman scholarship. Mutanen da ke da GPA na first-class (85%) damarsu ta samun scholarship ta fi yawa. Haka kuma daga cikin takardu masu muhimmanci a wannan bagiren akwai takardar shaidar yaren farsi ko turanci.
• Mu’amala da malamai: Daga cikin abubuwan da ke tasiri a damar samun scholarship akwai alaƙar ɗalibi da malaman makarantar da yake nema. Malamai na iya zaɓen ɗaliban da suka gamsu da su ta hanyar gurbin da ake basu a kowace shekara. Idan kuna son samun scholarship ta hanyar malamai dole ne ku rubuta proposal na research mai kyau kuma mai alaƙa da fanninku ku turawa malaman.